Fransa səfərdə İslandiya ilə bacarmadı

2026-cı ildə keçiriləcək futbol üzrə dünya çempionatının seçmə mərhələsi çərçivəsində daha səkkiz qarşılaşma baş tutub.

Oxu.Az xəbər verir ki, Azərbaycan millisinin də yer aldığı D qrupunun lidieri Fransa səfərdə İslandiyanın qonağı olub.

Qarşılıqlı qollarla keçən matçda qalib müəyyənləşməyib. Komandalar hərəyə iki dəfə fərqlənməklə xalları yarıya bölüblər - 2:2.

Meydan sahiblərinin qollarını müdafiəçi Viktor Paulsson (39) və hücumçu Kristian Hlinsson (70) vurublar. Fransa yığmasının heyətində hücumçular Kristofer Nkunku (63) və Jan-Filip Mateta (68) fərqləniblər.

Günün digər matçlarında isə aşağıdakı nəticələr qeydə alınıb:

Şimali İrlandiya - Almaniya 0:1;

Slovakiya - Lüksemburq 2:0;

Sloveniya - İsveçrə 0:0;

İsveç - Kosova 0:1;

Ukrayna - Azərbaycan 2:1;

Şimali Makedoniya - Qazaxıstan 1:1;

Uels - Belçika 2:4.