Azərbaycan paracüdoçusu İlham Zəkiyev IV İslam Həmrəyliyi Oyunlarında ölkəmizə daha bir bürünc medal qazandırıb.
Oxu.Az-ın Trend-ə istinadən məlumatına görə, bürünc medal uğrunda gedən mübarizədə İ.Zəkiyevin rəqibi Türkiyə təmsilçisi Hayran Dursun olub. İ.Zəkiyev ipponla qalib gələrək bürünc medal qazanıb.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
N.O.
