İngilis hərbçiləri qısa müddət ərzində Everestə qalxdıqları üçün istintaqa cəlb olundular

Nepal hökuməti Böyük Britaniya hərbçilərinin çox qısa müddət ərzində Everestə qalxmaları ilə bağlı araşdırmaya başlayıb.

Oxu.Az xəbər verir ki, bu barədə "The Telegraph" məlumat verib.

Qeyd olunur ki, Böyük Britaniyanın veteranların işləri üzrə naziri El Karnsın də tərkibində olduğu keçmiş xüsusi təyinatlı əsgərlərindən ibarət qrup ənənəvi aklimatizasiya üsullarından istifadə etməklə adətən təxminən iki ay davam edən məsafəni beş gün ərzində qalxdıqdan sonra Everesti fəth edib.

Lakin komanda hündürlük xəstəliyinin qarşısını almaq üçün ekspedisiyadan iki həftə əvvəl ksenon qazından istifadə edib və Nepal səlahiyyətliləri bunu öyrəniblər.

Departament britaniyalı naziri çağırıb qanun çərçivəsində tədbir görmək niyyətindədir.

Avstriyanın "Furtenbach Adventures" təşkilatçı şirkətinin məlumatına görə, ksenon aklimatizasiyanı yaxşılaşdırır, hündürlük xəstəliyindən qoruyur və hipoksik mühitin təsirlərini azaldır.

Nepallı deputat Racendra Bajqaynın fikrincə, ksenon qazından istifadə hesabına qısa müddət ərzində dırmaşma hallarının artması ölkənin dağ iqtisadiyyatına zərər verəcək, çünki bu, yerli bələdçilərə və digər işçilərə ehtiyacı azaldır və bununla da onları gəlirdən məhrum edir.