"Azarkeşlərin qarşısında qələbə qazanmaq istəyirdik. Qarşıda 21 tur var. Hələ heç nə bitməyib".
Oxu.Az xəbər verir ki, bunu "Karvan-Yevlax" - "Kəpəz" (1:2) oyunundan sonra "Karvan-Yevlax" klubunun baş məşqçisi Azər Həşimov deyib.
Baş məşqçi oyunun 26-cı dəqiqəsində Vüsal Məsimovun meydandan çıxmaması barədə də açıqlama verib:
"Araz-Naxçıvan"la oyunda zədəsi var idi. Demişdi ki, məni əvəzləyərsiniz. Sonra dedi ki, hər şey qaydasındadır. Aramızda heç bir problem yoxdur".
Azər Həşimov, eyni zamanda, "Kəpəz"in də ev oyunlarını Yevlax şəhər stadionunda keçirməsi barədə xəbərsiz olduğunu bildirib:
"İndi bilirəm. Heç xəbərim yox idi".
"Azarkeşlərin məni istefaya səsləməsi normal haldır. Futbolda belə şeylər olur. Bu barədə qərarı rəhbərlik verir. Məşqçi işində problem qaçılmazdır. Həyat davam edir", - deyə baş məşqçi qeyd edib.
Murad Nəsimi
