Klublararası dünya çempionatının 1/8 final mərhələsində daha bir oyun keçirilib.
Oxu.Az xəbər verir ki, "Mançester Siti" (İngiltərə) ilə "Əl-Hilal" (Səudiyyə Ərəbistanı) üz-üzə gəliblər. Matçda sensasiyalı nəticə qeydə alınıb.
Xosep Qvardiolanın rəhbərlik etdiyi "Mançester Siti" uduzaraq (3:4) yarışda mübarizəni erkən başa vurub.
Dörddəbir finalda "Əl-Hilal" "Fluminense" (Braziliya) ilə qarşılaşacaq.
Digər iki müəyyən olunan cütlükdə "Palmeyras" "Çelsi" ilə, "Bavariya" isə PSJ ilə üz-üzə gələcək.
Dörddəbir finala sonuncu vəsiqə uğrunda "Real" - "Yuventus" və "Borussiya" (Dortmund) - "Monterrey" cütlükləri yarışacaq.
ABŞ-də keçirilən klublararası dünya çempionatının 1/8 final mərhələsinin daha bir oyunu keçirilib.
Oxu.Az xəbər verir ki, "İnter" (İtaliya) və "Fluminense" (Braziliya) komandaları arasında keçirilən oyun 0:2 hesabı ilə yekunlaşıb.
Şarlott şəhərində baş tutmuş qarşılaşmada qolları üçüncü dəqiqədə Kano və əsas vaxta artırılmış dəqiqələrdə Pereyra du Nasimentu vurublar.
Qələbə sayəsində 1/4 final mərhələsinə adlayan Braziliya təmsilçisi bu mərhələdə "Mançester Siti" - "Əl-Hilal" cütünün qalibi ilə qarşılaşacaq
