Klublararası dünya çempionatının A qrupunda "İnter Mayami" (ABŞ) və "Portu" (Portuqaliya) komandalarının qarşılaşdığı 2-ci turun oyunu başa çatıb.
Oxu.Az xəbər verir ki, qarşılaşma Atlantada (ABŞ) baş tutub.
"İnter Mayami" hesabda geri olsa da, yekunda rəqibini 2:1 hesabı ilə üstələyə bilib.
ABŞ təmsilçisinin qollarını Telasko Seqoviya və cərimə zərbəsindən Lionel Messi vurublar. "Portu"dan isə penaltidən Samuel Aqehova fərqlənib.
Bu nəticədən sonra "İnter Mayami" xalını dördə yüksəldib. Qrupun digər iştirakçısı "Palmeyras" da eyni xala sahibdir. "Portu" və "Əl-Əhli" isə bir xal toplayıblar.
