Kolumbiya və Yaponiya 1/8 finalda

Bu gün Rusiyada keçirilən futbol üzrə dünya çempionatında qrup mərhələsinə yekun vurulur.

Oxu.Az xəbər verir ki, yerli vaxtla 18.00-da “H” qrupunun son oyunları keçirilib.

“Volqoqrad” arenada Yaponiya yığması qrupun autsayderi olan Polşa milli komandası ilə qarşılaşıb. Oyun 0:1 hesabı ilə polşalıların xeyrinə başa çatıb.

Qollar: Bednarek (60-cı dəq.)

Samaranın “Kosmos” arenasında isə Seneqal təmsilçiləri Kolumbiya yığması ilə üz-üzə gəlib. Gərgin mübarizə şəraitində keçən matçda qalib tərəf Kolumbiya millisi olub. Oyun 0:1 hesabı ilə başa çatıb.

Qollar: Mina (74-cü dəq)

Beləcə yekun nəticələrə görə “H” qrupundan Kolumbiya altı xalla birinci, Yaponiya isə dörd xalla ikinci yerdə çıxıb. Komandaların 1/8 finaldakı rəqibləri 22-00-da başlayacaq “G” qrupunun oyunlarından sonra məlum olacaq.

Kolumbiya və Yaponiya 1/8 finalda

F.M.
www.oxu.az