Mahir Emreli het-trik etdiyi oyundan sonra adını həftənin rəmzi komandasına yazdırıb

"Nürnberq"də çıxış edən Azərbaycan millisinin futbolçusu Mahir Emreli II Bundesliqa XXXIV turun rəmzi komandasına düşüb.

Oxu.Az xəbər verir ki, bu barədə klubun mətbuat xidməti məlumat yayıb.

27 yaşlı hücumçu 3-4-3 sxeminə əsasən tərtib olunan 11-likdə hücumun mərkəzində yer alıb.

O, "Ayntraxt" (Braunşveyq) komandasına 4:1 hesabı ilə qalib gəldikləri görüşdə het-trik edib. Emreli 10-cu, 20-ci və 45+1-ci dəqiqələrdə fərqlənib. Futbolçu ikinci qoldan sonra sarı vərəqə alıb və ikinci hissənin sonunda əvəzlənib.

Qeyd edək ki, Mahir Emreli oyundan sonra topu özü ilə götürüb.