Məşhur MMA döyüşçüsü, UFC-də keçmiş dünya çempionu Konor Makqreqor İrlandiyada prezidentlik kampaniyasına başladığını açıqlayıb.
Oxu.Az xəbər verir ki, Makqreqor bu barədə "X" sosial şəbəkə hesabında paylaşım edib.
O, tərəfdarlarını namizədliyini dəstəkləmək üçün yerli dairə məsləhətçiləri ilə əlaqə saxlamağa çağırıb. Makqreqor prezident seçilərsə, İrlandiya sərhədlərinin təhlükəsizliyini təmin edəcəyini, Aİ-nin miqrasiya paktından çıxacağını və "idxal edilmiş cinayətkarlar" adlandırdığı şəxslərin deportasiya ediləcəyini vəd edib.
Bundan əlavə, o, 1922-ci il konstitusiyasının qanunların ümumxalq səsverməsi ilə qəbul edilməsinə və veto qoyulmasına imkan verən müddəalarını bərpa etmək niyyətindədir.
Xatırladaq ki, İrlandiyada prezident seçkisi oktyabrın 24-nə təyin edilib.
