Manuel Noyer "Bavariya" klubu ilə daha az maaşa razılaşıb

Yayda "Bavariya" klubu ilə müqaviləsinin müddəti başa çatacaq Manuel Noyer Almaniya nəhəngi ilə yeni anlaşma imzalayacaq.

Oxu.Az xəbər verir ki, müqavilə ilin sonuna qədər, potensial olaraq qış fasiləsində imzalanacaq.

Hətta yeni anlaşma hazırdır və təfərrüatı mətbuata sızıb. 38 yaşlı qolkiper hazırda 20 milyon avro (bonuslar daxil) qazanır. Onun eyni pulu alacağı gözlənilir, lakin fərqli formatda.

Belə ki, Noyerin maaşı daha az olacaq, lakin onun fəaliyyəti ilə bağlı bonuslar artacaq. "Bavariya" klub əfsanələri ilə müqavilələrin uzadılması zamanı məhz bu standart təcrübədən yararlanır.

Bu mövsüm artıq Noyerin "Bavariya"da on dördüncü mövsümüdür. O, cari mövsüm bütün turnirlərdə doqquz matça çıxaraq səkkiz qol buraxıb.