Millimizin üzvü dünya çempionatında ən yüksəkreytinqli cüdoçu olacaq

Nizami İmranov oktyabrın 2-5-də Tacikistanın paytaxtı Düşənbədə keçiriləcək gənclər arasında dünya çempionatında ən yüksəkreytinqli cüdoçu olacaq.

Oxu.Az xəbər verir ki, bütün çəki dərəcələri üzrə idmançıların siyahısına Avropa çempionu və dünya çempionatının gümüş mükafatçısı başçılıq edir.

Buna səbəb İmranovun (60 kq) öz yaşıdları arasında göstərdiyi nəticələrə görə reytinq xalları toplaması ilə yanaşı, həm də artıq elitada çıxış etmək təcrübəsinə malik olmasıdır.

Xüsusilə, Nizami İmranovun ötən il Tokioda keçirilən "Böyük Dəbilqə" turnirində 1/16 finala adlaması ona 160 xal qazandırıb.

Qeyd edək ki, dünya çempionatında ən reytinqli cüdoçular arasında ilk beşliyə yeniyetmələr arasında dünya və Avropa çempionu Vüsal Qələndərzadə də (73 kq) daxildir.