Premyer Liqa: "Araz-Naxçıvan" "Turan Tovuz"la heç-heçəyə razılaşıb

Misli Premyer Liqasının XXXI turunun açılış oyununda "Araz-Naxçıvan" "Turan Tovuz"la heç-heçəyə razılaşıb.

Oxu.Az xəbər verir ki, "Liv Bona Dea Arena" baş tutan görüşdə tərəflər hərəyə 1 dəfə fərqləniblər.

Qarşılaşmada hesab 33-cü dəqiqədə açılıb. Qonaqların heyətində Faiq Hacıyev dəqiq zərbə müəllifi olub. Meydan sahiblərinin cavab qolu 53-cü dəqiqədə gəlib. İssuf Paro rəqibi oyuna mərkəzdən başlamağa məcbur edib.

Naxçıvan təmsilçisi matçı azlıqda başa vurub. 77-ci dəqiqədə Vanderson Melo ikinci sarı vərəqənin ardından qırmızı vərəqə ilə cəzalanaraq meydandan qovulub.

"Araz-Naxçıvan" turnir cədvəlində 53 xalla üçüncü pillədə yer alıb. Dördüncü olan "Turan-Tovuz"un 48 xalı var.

Qeyd edək ki, tura aprelin 20-də yekun vurulacaq.

09:20

Misli Premyer Liqasında XXXI tura bu gün bir oyunla start veriləcək.

Oxu.Az xəbər verir ki, açılış matçında "Araz-Naxçıvan" klubu Bakıda "Turan Tovuz"u qəbul edəcək.

"Liv Bona Dea Arena"da Əliyar Ağayevin idarə edəcəyi görüşün start fiti saat 19:00-da səsləndiriləcək.

"Araz-Naxçıvan" hazırda turnir cədvəlində 52 xalla üçüncü pillədə yer alıb. Dördüncü olan "Turan Tovuz"un 47 xalı var.

Misli Premyer Liqası

XXXI tur

18 aprel

19:00. "Araz-Naxçıvan" - "Turan Tovuz"

Hakimlər: Əliyar Ağayev, Zeynal Zeynalov, Akif Əmirəli, Kamran Əliyev.

VAR: Tural Qurbanov.

AVAR: Asiman Əzizli.

Hakim-inspektor: Babək Quliyev.

AFFA nümayəndəsi: Elgiz Abbasov.

Stadion: "Liv Bona Dea Arena"

Qeyd edək ki, tura aprelin 20-də yekun vurulacaq.