Neymar "Santos"a qayıdacağını açıqladı

Neymar akademiya məzunu olduğu "Santos"la müqavilə imzaladığını açıqlayıb.

Oxu.Az xəbər verir ki, 32 yaşlı hücumçu bunu sosial şəbəkə səhifəsində bəyan edib.

"Uşaqlar, mənə elə gəlir ki, keçmişə qayıdıram. Mən burada dostlarım və ailəmlə görüşürəm", - o qeyd edib.

Xatırladaq ki, Neymar 2009-2013-cü illərdə "Santos"un böyüklərdən ibarət komandasında çıxış edib. Bu müddət ərzində o, bütün turnirlərdə 225 matçda iştirak edib, 136 qol vurub və 64 məhsuldar ötürmə edib. Transfermarkt portalında verilən məlumata görə, futbolçunun bazar dəyəri 15 milyon avrodur.

🤍🖤 🇧🇷 pic.twitter.com/iuZZ2ggE1J

— Neymar Jr (@neymarjr) January 30, 2025