"Palmeyras"ın 17 yaşlı futbolçusu Neymarın rekordunu qırıb

Braziliyanın "Palmeyras" klubunun futbolçusu Estevao Villian Neymarın rekordunu qırıb.

Oxu.Az xəbər verir ki, 17 yaşlı cinah oyunçusu buna A Seriyasında "Yuventude"yə 5:3 hesabı ilə qalib gəldikləri matçda nail olub.

Villian sözügedən qarşılaşmada qol və məhsuldar ötürmə ilə yadda qalıb.

O, Braziliya çempionatında 10 qol və 8 assistlə yadda qalıb. Beləliklə, futbolçu 18 yaşadək oyunçular arasında yeni rekord müəyyənləşdirib.

Qeyd edək ki, Neymar 2009-cu ildə "Santos"un heyətində 10 qol, altı məhsuldar ötürmə ilə yadda qalmışdı.