Paris-2024: Azərbaycan idmançısının iştirak edəcəyi yarış təxirə salınıb

Fransa paytaxtında keçiriləcək Paris-2024 Olimpiya Oyunlarında triatlon yarışı təxirə salınıb.

Buna səbəb kimi Sena çayında suyun keyfiyyətsiz olması göstərilib.

Oxu.Az-ın Gazeta.ru-ya istinadən xəbərinə görə, bu barədə Beynəlxalq Triatlon İttifaqının (World Triathlon) Mətbuat Xidmətindən məlumat verilib.

"Son günlər hava məlumatlarını nəzərə alaraq, kişilər arasında triatlon yarışının iyulun 31-də saat 10:45-ə təyin edilməsi qərara alınıb. Həmin gün saat 8:00-da qadınlar arasında triatlon yarışının baş tutması planlaşdırılır", - deyə məlumatda bildirilib.

Qeyd edək ki, təxirə salınan yarışda Azərbaycan təmsilçisi, triatlonçumuz Rostislav Pevtsov da kişilərin fərdi yarışında mübarizə aparmalı idi.