Premyer Liqa: "Neftçi" "Kəpəz"i məğlub etdi

Azərbaycan Premyer Liqasının 17-ci turunda bu günün son qarşılaşması baş tutub.

Oxu.Az xəbər verir ki, "Neftçi Arena"da yerli komanda "Kəpəz" üzərində 2:1 hesab ilə qələbə qazanıb.

"Neftçi"nin heyətində Yeqor Boqomolski (4) və Filip Ozobiç (22) fərqlənib. Gəncə təmsilçisinin qolunu isə 77-ci dəqiqədə Orxan Əliyev vurub.

Bu nəticədən sonra xallarının sayını 16-ya çatdıran "Neftçi" yeddinci pilləyə yüksəlib. "Kəpəz" isə 10 xalla doqquzuncu yerdə qərarlaşıb.

Qeyd edək ki, turun daha əvvəl keçirilən oyunlarında "Sabah" "Araz-Naxçıvan"ı 1:0 hesabı ilə məğlub edib. "Şamaxı" - "Səbail", "Zirə" - "Turan Tovuz" görüşləri isə qolsuz bitib. Tura sabah Tofiq Bəhramov adına Respublika stadionunda baş tutacaq "Qarabağ" - "Sumqayıt" matçı ilə yekun vurulacaq.

18:36

Azərbaycan Premyer Liqasının 17-ci turunda "Zirə" "Turan Tovuz"la heç-heçə edib.

Oxu.Az xəbər verir ki, Zirə İdman Kompleksinin stadionunda baş tutan görüşdə qapılara qol vurulmayıb.

Bu nəticədən sonra "Zirə" 27 xalla dördüncü, "Turan Tovuz" isə 31 xalla üçüncü pillədə qalıb.

Qeyd edək ki, turun ötən gün keçirilən oyunlarında "Sabah" "Araz-Naxçıvan"ı 1:0 hesabı ilə məğlub edib. "Şamaxı" - "Səbail" görüşü isə qolsuz bitib.

Hazırda isə Bakıda "Neftçi" - "Kəpəz" görüşü start götürüb.

10:12

Azərbaycan Premyer Liqasının 17-ci turunun bu gün daha iki oyunu baş tutacaq.

Oxu.Az xəbər verir ki, əvvəlcə "Zirə" evdə "Turan Tovuz"la qarşılaşacaq.

"Zirə" İdman Kompleksində keçiriləcək və Rauf Cabarovun idarə edəcəyi görüşün start fiti saat 16:00-da səsləndiriləcək. Hazırda "Zirə" turnir cədvəlində 26 xalla dördüncü pillədə qərarlaşıb. 30 xala malik Tovuz komandası isə üçüncüdür.

Günün son qarşılaşması "Neftçi Arena"da baş tutacaq. "Kəpəz" səfərdə "Neftçi"nin qonağı olacaq. Cavid Cəlilovun idarə edəcəyi görüş saat 18:30-da başlayacaq. "Neftçi" turnir cədvəlində 13 xalla səkkizinci yerdədir. Bir pillə aşağıda olan Gəncə klubunun isə 10 xalı var.

Misli Premyer Liqası

II dövrə, XVII tur

15 dekabr

16:00. "Zirə" - "Turan Tovuz"

Hakimlər: Rauf Cabarov, Zöhrab Abbasov, Eyyub İbrahimov, Elvin Bayramov.

VAR: Əliyar Ağayev.

AVAR: Akif Əmirəli.

Hakim-inspektor: Ceyhun Haşımov.

AFFA nümayəndəsi: Zaur Hacı-Məhərrəmov.

Zirə İdman Kompleksinin stadionu

18:30. "Neftçi" -" Kəpəz"

Hakimlər: Cavid Cəlilov, Kamran Bayramov, Müslüm Əliyev, Rəvan Həmzəzadə.

VAR: Rəşad Əhmədov.

AVAR: Teymur Teymurov.

Hakim-inspektor: Asim Xudiyev.

AFFA nümayəndəsi: Seymur Səlimli.

"Neftçi Arena"

Qeyd edək ki, XVIII turda ötən gün iki qarşılaşma baş tutub. "Sabah" "Araz-Naxçıvan"ı 1:0 hesabı ilə məğlub edib. "Şamaxı" - "Səbail" görüşü isə qolsuz bitib.