Premyer Liqa: “Kəpəz” Turan Tovuz”a qalib gəlib - YENİLƏNİB + VİDEO

Futbol üzrə Azərbaycan Premyer Liqasında XIX turun daha bir oyunu keçirilib.

Oxu.Az xəbər verir ki, günün ikinci matçında “Kəpəz” “Turan Tovuz”la üz-üzə gəlib.

Qarşılaşma Gəncə klubunun 2:1 hesablı qələbəsi ilə yekunlaşıb. Qələbə qollarını 25-ci dəqiqədə Şakir Seyidov, 71-ci dəqiqədə Martins Junior vurub. Tovuz təmsilçisində 4-cü dəqiqədə Ayxan Quseynov fərqlənib, Faiq Hacıyev 9-cu dəqiqədə qırmızı vərəqə alaraq meydandan qovulub.

Qeyd edək ki, “Səbail” və “Zirə” arasında keçirilmiş günün ilk görüşü qolsuz bərabərliklə başa çatıb. Ötən gün “Sabah” - “Neftçi” matçında da eyni nəticə qeydə alınıb. Turun “Qəbələ” - “Sumqayıt” və “Qarabağ” - “Araz-Naxçıvan” oyunları yanvarın 23-də keçiriləcək.

Premyer Liqa: “Kəpəz” Turan Tovuz”a qalib gəlib - YENİLƏNİB + VİDEO

17:09

Futbol üzrə Azərbaycan Premyer Liqasında XIX turun daha bir oyununda qol vurulmayıb.

“Report”un məlumatına görə, günün ilk matçı Bakıda baş tutub.

“ASCO Arena”da “Səbail” “Zirə”ni qəbul edib. Qarşılaşma qolsuz başa çatıb. Meydan sahibləri 27 xalla 3-4-cü yerləri bölüşdürür. Qonaqlar isə 30 xalla ikincidir.

Günün digər görüşündə “Kəpəz” “Turan Tovuz”la görüşəcək.

Qeyd edək ki, ötən gün “Sabah” - “Neftçi” matçında qolsuz heç-heçə qeydə alınıb. Turun “Qəbələ” - “Sumqayıt” və “Qarabağ” - “Araz-Naxçıvan” oyunları yanvarın 23-də keçiriləcək.

09:24

Bu gün futbol üzrə Azərbaycan Premyer Liqasında XIX turun daha iki oyunu keçiriləcək.

Oxu.Az xəbər verir ki, ilk matç Bakıda reallaşacaq.

Paytaxt təmsilçilərinin duelində “Səbail” “Zirə”ni qəbul edəcək. Görüş saat 15:00-da başlayacaq. Meydan sahibləri 26 xalla 5-ci, qonaqlar 29 xalla 3-cü pillədə qərarlaşıblar.

Günün ikinci görüşü Qəbələ şəhər stadionunda gerçəkləşəcək. “Kəpəz” və “Turan Tovuz” komandaları qərb derbisində qarşılaşacaqlar. Bu matç isə saat 17:30-a təyin edilib. Gəncə təmsilçisi 14 xalla 9-cu, Tovuz klubu 22 xalla 8-ci sıradadır.

Azərbaycan Premyer Liqası

XIX tur

15:00. “Səbail” – “Zirə”
Hakimlər: Fərid Hacıyev, Kamran Bayramov, Rəhman İmami, Səbuhi Bayramov.
Hakim-inspektor: Babək Quliyev.
AFFA nümayəndəsi: Zümrüd Ağayeva.
“ASCO Arena”

17:30. “Kəpəz” – “Turan Tovuz”
Hakimlər: Əli Əliyev, Müslüm Əliyev, Teymur Teymurov, Vüqar Həsənli.
Hakim-inspektor: Anar Salmanov.
AFFA nümayəndəsi: Azər Əsgərov.
Qəbələ şəhər stadionu

Qeyd edək ki, ötən gün “Sabah” - “Neftçi” matçında qolsuz bərabərlik qeydə alınıb. Turun “Qəbələ” - “Sumqayıt” və “Qarabağ” - “Araz-Naxçıvan” oyunları yanvarın 23-də keçiriləcək.