"Qarabağ" klubu xal itirdi

Bu gün Azərbaycan Premyer Liqasında XVI turun oyunları keçirilib.

Oxu.Az xəbər verir ki, Turun mərkəzi oyununda "Sabah" "Qarabağ"la üz-üzə gəlib.

Matçda hesabı meydan sahibləri açıblar. 49-cu dəqiqədə Neqoş Kupusoviç fərqlənib.

Lakin "bayquşlar" üstünlüyünü qoruya bilməyiblər. 68-ci dəqiqədə Nəriman Axundzadə tarazlığı bərpa edib.

Ağdamlılar səfərdən bir xalla dönməyi bacarıblar - 1:1.

Qeyd edək ki, tura dekabrın 9-da yekun vurulacaq.

18:03

Misli Premyer Liqasının XVI turunda növbəti oyun başlayıb.

Oxu.Az bildirir ki, "Bank Respublika Arena"da "Sabah" "Qarabağ"ı qəbul edir:

"Qarabağ" klubu xal itirdi

16:59

Bu gün Misli Premyer Liqasının XVI turunda "Səbail" klubu "Araz-Naxçıvan"ı qəbul edib.

Oxu.Az bildirir ki, qonaqlar ev sahibinə iki qolla qalib gəliblər.

Hesabı oyunun 45+2-ci dəqiqəsində penaltidən R.Maçado açıb (0:1). 56-cı dəqiqədə Benni oyunun taleyini həll edib - 0:2.

"Qarabağ" klubu xal itirdi

09:33

Bu gün Misli Premyer Liqasının XVI turunda iki oyun keçiriləcək.

Oxu.Az xəbər verir ki, günün ilk görüşündə "Səbail" "Araz-Naxçıvan"ı qəbul edəcək. Qonaqlar 36 xalla ikinci, "dənizçilər" 8 xalla sonuncu - onuncu sırada yer alıblar.

18:00-da "Sabah" "Qarabağ"la üz-üzə gələcək. Rəqibindən bir oyun az keçirən Ağdam təmsilçisi 37 xalla liderdir. Paytaxt klubu 22 xalla beşinci pillədə qərarlaşıb.

Misli Premyer Liqası

XVI tur, II dövrə

7 dekabr

15:00. "Səbail" - "Araz-Naxçıvan"

Hakimlər: Rəşad Əhmədov, Rahil Ramazanov, Müslüm Əliyev, Elvin Bayramov.

VAR: Rəvan Həmzəzadə.

AVAR: İnqilab Məmmədov.

Hakim-inspektor: Orxan Məmmədov.

AFFA nümayəndəsi: Erkin Hüseynov.

"ASCO Arena"

18:00. "Sabah" - "Qarabağ"

Hakimlər: Elçin Məsiyev, Elşad Abdullayev, Pərvin Talıbov, Əkbər Əhmədov.

VAR: Əliyar Ağayev.

AVAR: Zeynal Zeynalov.

Hakim-inspektor: Ömər Paşayev.

AFFA nümayəndəsi: Elçin Məmmədov.

"Bank Respublika Arena"

Qeyd edək ki, turun digər oyunları 8-9 dekabrda gerçəkləşəcək.