Premyer Liqa: VII turun açılış oyununda qolsuz bərabərlik qeydə alınıb

Azərbaycan Premyer Liqasında VII tura start verilib.

“Report”un məlumatına görə, açılış oyunu Sumqayıtda keçirilib.

Eyniadlı komanda doğma meydanda “Turan Tovuz”u qəbul edib. Qarşılaşma qolsuz bərabərliklə yekunlaşıb. Bu nəticə sayəsində “Turan Tovuz” xallarının sayını 11-ə, “Sumqayıt” isə 8-ə çatdırıb.

Günün ikinci oyununda “Zirə” ilə “Neftçi” birincilərin meydanında üz-üzə gələcəklər.

Qeyd edək ki, turun digər görüşləri sentyabrın 24-25-də keçiriləcək.