Misli Premyer Liqasında XXIV turun daha bir oyunu keçirilib.
Oxu.Az xəbər verir ki, günün ikinci matçında "Zirə" "Qarabağ"ı qəbul edib.
Zirə İdman Kompleksinin stadionundakı qarşılaşma qonaqların qələbəsi ilə yekunlaşıb - 1:3.
"Köhlən atlar"ın heyətində 22-ci dəqiqədə Joni Montiel, 55-ci dəqiqədə Kamilo Duran, 72-ci dəqiqədə Kadi Borges fərqləniblər. "Qartallar"dan Ceyhun Nuriyev 70-ci dəqiqədə adını tabloya yazdırıb.
Bu nəticədən sonra xallarının sayını 52-yə çatdıran Ağdam klubu ikinci pillədə qərarlaşıb. Meydan sahibləri 39 xalla dördüncü sıradadır.
Günün ilk görüşündə "Sabah" səfərdə "İmişli"ni beş cavabsız qolla üstələyib.
Qeyd edək ki, tura martın 15-də yekun vurulacaq. Ötən gün "Araz-Naxçıvan" "Karvan-Yevlax"ı (2:1), "Şamaxı" "Sumqayıt"ı (1:0) məğlub edib.
Misli Premyer Liqasının XXIV turunun açılış oyununda "İmişli" klubu "Sabah"ı qəbul edib.
Oxu.Az xəbər verir ki, Quba Olimpiya İdman Kompleksinin stadionunda baş tutan görüş Bakı təmsilçisinin 5:0 hesablı qələbəsi ilə başa çatıb.
"Sabah"ın qollarını 10-cu dəqiqədə Stiv Solvet, 15-ci (p) və 35-ci dəqiqələrdə Coy-Lens Mikels, 49-cu dəqiqədə Kahim Parris, 73-cü dəqiqədə Aleksey İsayev (p) vurublar.
Bununla da "Sabah" xallarının sayını 59-a çatdıraraq liderliyini möhkəmlədib. "İmişli" isə 22 xalla doqquzuncudur.
Qeyd edək ki, günün ikinci matçında "Zirə" klubu "Qarabağ"ı qəbul edəcək.
Bu gün Misli Premyer Liqasında XXIV turunun növbəti oyunları keçiriləcək.
Oxu.Az xəbər verir ki, günün ilk qarşılaşmasında "İmişli" klubu "Sabah"la üz-üzə gələcək.
Quba OİK stadionunda keçiriləcək matç saat 15:00-da başlayacaq.
Günün digər qarşılaşmasında isə "Zirə" "Qarabağ"ı qəbul edəcək. Saat 19:15-də start götürəcək matç Zirə İdman Kompleksinin stadionunda oynanılacaq.
Qeyd edək ki, "İmişli" 22 xalla turnir cədvəlinin doqquzuncu pilləsində qərarlaşıb. "Sabah" isə 56 xalla turnir cədvəlinin zirvəsindədir. "Zirə" 39 xalla dördüncü, 49 xala malik "Qarabağ" isə ikincidir.
Misli Premyer Liqası
XXIV tur
14 mart
15:00. "İmişli" - "Sabah"
Hakimlər: Rauf Cabarov, Akif Əmirəli, Şirmamed Mamedov, Alik Yunusov
VAR: Əliyar Ağayev
AVAR: Zöhrab Abbasov
Hakim-inspektor: Ramil Diniyev
AFFA nümayəndəsi: Kifayət Mustafayeva
Quba OİK stadionu
19:15. "Zirə" - "Qarabağ"
Hakimlər: Fərid Hacıyev, Namiq Hüseynov, Rəhman İmami, Vüqar Həsənli
VAR: Nicat İsmayıllı
AVAR: Emin Əliyev
Hakim-inspektor: Rəhim Həsənov
AFFA nümayəndəsi: Elgiz Abbasov
Zirə İdman Kompleksinin stadionu.
