"Qalatasaray"ın səfər sınağı: "Yanqboyz"la görüşdən məğlub ayrıldı

UEFA Çempionlar Liqasının pley-off mərhələsinin ilk görüşlərinə yekun vurulub və "Qalatasaray" səfərdə "Yanqboyz" qarşısında məğlub olub.

Oxu.Az xəbər verir ki, görüş "Yanqboyz"un 3:2 hesablı qələbəsi ilə başa çatıb.

Pley-off mərhələsinin digər qarşılaşmalarında "Zalsburq" "Dinamo Kiyev"i, "Spartak Praqa" isə "Malmö"nü 2:0 hesabı ilə məğlub edib.

"Midtyuland" ilə "Slovan Bratislava" arasında keçirilmiş görüş isə 1:1 hesablı heç-heçə ilə nəticələnib.

Qeyd edək ki, tərəflər arasındakı cavab görüşü bir həftə sonra, avqustun 27-də keçiriləcək.

Anar Həsənov