Qəbələdəki basketbolun 3X3 növü üzrə Qadın Seriyasında təmsilçilərimizin heyətləri açıqlanıb

Basketbolun 3x3 növü üzrə Qadın Seriyasının Qəbələ mərhələsində iştirak edəcək komandalarımızın heyətləri açıqlanıb.

Oxu.Az xəbər verir ki, yarışda iştirak edəcək Azərbaycan təmsilçilərinin formasını geyinəcək basketbolçular da bəlli olub.

Yeni yaradılan "Baku Flames" klubunun heyətində Sali Al-Xuri, Nailə Əlisultanova, Ləman İbrahimova və Binata Rizvanova yer alıblar.

Millimizin formasını isə Tatyana Deniskina, Aleksandra Mollenhauer, Dina Ulyanova və Mersedes Uolker geyinəcəklər. Paris-2024-ə lisenziya qazanan heyətin liderlərindən olan Tiffani Hayes bu dəfə yığmada olmayacaq. Onu Honkonqdakı Olimpiya Təsnifat Turnirində ehtiyat oyunçu olan T.Deniskina əvəzləyib.

Qeyd edək ki, Qəbələ mərhələsi iyunun 2-3-də keçiriləcək.