"Sabah" klubunu qələbə münasibətilə təbrik edirəm. Eyni zamanda bu gün meydana çıxacaq "Neftçi" klubuna da uğurlar arzulayıram".
Oxu.Az xəbər verir ki, bunu UEFA Avropa Liqasının 2-ci təsnifat mərhələsində keçiriləcək "Qarabağ" - "ÇSKA Sofiya" (Bolqarıstan) qarşılaşmasından əvvəl Ağdam təmsilçisinin baş məşqçisi Qurban Qurbanov deyib.
O bildirib ki, özümüzə gəldikdə isə rəqib bir az fərqli sistemlərdə oynamağı bacaran komandadır:
"İnanıram ki, futbolçularımız bu oyunda da gözəl performans göstərə biləcəklər. Bu oyunda çox diqqətli olmalıyıq. Çox istərdim ki, komandam 90 dəqiqə ərzində meydanda düşündüyüm oyunu göstərə bilsin. Amma hələ ki komanda tam olaraq buna hazır deyil. Ümumilikdə çox dəyişiklik var və oyundan-oyuna komandamız daha da müsbətə doğru irəliləyir. Turnirin bu mərhələsi elədir ki, rəqiblər çox fərqli sistemlərdə oynayırlar. Amma inanıram ki, zamanla komandamız tam istədiyim formaya çatacaq.
Komanda oyununu tam stabilləşdirmək, tam formaya salmaq asan məsələ deyil. Bütün oyunçuları eyni səviyyəyə gətirmək çətindir. Xüsusilə, yay aylarında istidə oyunçuların dinamikasını yüksəltmək çətin alınır. Bu il komanda da kifayət qədər çox dəyişiklik olub. Oyundan-oyuna bu komandanın daha yaxşı olacağına inanıram".
Qeyd edək ki, "Qarabağ" - "ÇSKA Sofiya" görüşü iyulun 23-də saat 20:00-da başlayacaq.
