Qvardiola "Mançester Siti"nin uğursuzluğunu Kevin De Bruynenin üzərinə atdı

"Mançester Siti"nin 33 yaşlı ulduzu Kevin De Bruyne yayda klubu tərk edəcək. "Şəhərlilər" belçikalı ilə müqaviləni yeniləməyəcəklər.

Oxu.Az xəbər verir ki, yekun qərarı Pep Qvardiola verib və hesab edir ki, komandasının qeyri-qənaətbəxş nəticələrinin səbəbi belçikalının zəif çıxışıdır.

Böyük ehtimalla, Kevin karyerasını MLS-də davam etdirəcək. Belçikalı ilə müqavilə bağlamaq üçün əsas favorit yeni yaradılmış və cari mövsümdən etibarən Amerika çempionatında çıxış etməyə başlayan iddialı "San Dieqo"dur. De Bruyne yeni yaradılan komandanın siması olmalıdır.

Qeyd edək ki, 33 yaşlı futbolçu bu mövsüm 27 oyuna çıxıb, 3 qol vurub və 6 məhsuldar ötürmə edib.