“Sabah”ın Türkiyənin “Beşiktaş” klubu ilə keçirəcəyi xeyriyyə oyununu yayımlayacaq telekanallar müəyyənləşib.
Oxu.Az xəbər verir ki, qarşılaşmanı Azərbaycanda iki telekanal canlı olaraq tamaşaçılara təqdim edəcək. Matç “İctimai” TV və “İdman” TV-də yayımlanacaq. Türkiyədə isə azarkeşlər “Kanal D” vasitəsilə oyunu izləyə biləcəklər.
Mayın 13-ü Tofiq Bəhramov adına Respublika stadionunda keçiriləcək matç saat 18:00-da start götürəcək. Oyundan əldə ediləcək bütün gəlir Türkiyədə zəlzələdən zərər çəkmiş şəxslərə göndəriləcək.
Faiq Tahirov
