"Səbail" klubunun keçmiş baş məşqçisinə AFFA-da vəzifə verilib?

AFFA rəhbərliyinin tanınmış veteran futbolçu Mahmud Qurbanova vəzifə verməsi ilə bağlı yerli mediada xəbərlər paylaşılıb.

Bu barədə Oxu.Az-ın sorğusuna cavab verən AFFA-nın mətbuat katibi Elnur Məmmədli xəbərlərin tamamilə əsassız olduğunu bildirib.

"AFFA tərəfindən Mahmud Qurbanova hər hansı təklif olmayıb. Deyilənlər həqiqəti əks etdirmir", - deyə qurumun nümayəndəsi söyləyib.

Qeyd edək ki, Mahmud Qurbanovun son iş yeri Azərbaycan Premyer Liqasında çıxış edən "Səbail" klubu olub.

Anar Həsənov