Azərbaycan Premyer Liqasının XXIX turunda "Səbail" və "Turan Tovuz" komandaları arasında baş tutan matçdan sonra gərgin anlar yaşanıb.
Oxu.Az xəbər verir ki, qarşılaşmadan sonra qonaq komandanın futbolçuları ilə Tovuzdan olan azarkeşlər arasında mübahisə yaranıb. Bu zaman "Turan Tovuz"un futbolçusu Veysəl Rzayev tribunaya qalxaraq, azarkeşlərdən biri ilə dalaşmağa başlayıb.
Qeyd edək ki, matç 0:0 hesabı ilə başa çatıb. Veysəl Rzayev 19-cu dəqiqədə zədələnən Rüfət Əhmədovun yerinə meydana daxil olub.
