Ulduz futbolçu Luiş Nani "Qarabağ"ın oyunçuları ilə görüşüb

Minifutbol üzrə dünya çempionatının püşkatma mərasimində iştirak üçün qonaq qismində Bakıya gələn Portuqaliya millisinin sabiq futbolçusu Luiş Nani sabiq komanda yoldaşı, "Qarabağ"ın qapıçısı Şahruddin Məhəmmədəliyev və yarımmüdafiəçisi Patrik Andrade ilə görüşüb.

Oxu.Az xəbər verir ki, Ağdam klubunun futbolçuları sosial şəbəkə hesablarında veteran yarımmüdafiəçi ilə olan fotolarını paylaşıblar.

Qeyd edək ki, Azərbaycan millisinin üzvü Şahruddin Məhəmmədəliyev ötən mövsüm Luiş Nani ilə Türkiyənin "Adana Dəmirspor" klubunda komanda yoldaşı olub.