Viktor Osimhen: "Qalatasaray" həmişəlik mənim qəlbimdə qalacaq

"Qalatasaray"ın hücumçusu Viktor Osimhen "Yuventus" və "Çelsi"nin ona olan marağı barədə xəbərləri şərh edib.

Oxu.Az bu barədə "Sabah"a istinadən xəbər verir.

"Mənim haqqımda həmişə şayiələr gəzir. Amma mən bu günlə yaşayıram, hazırkı anın zövqünü çıxarıram. Türkiyədəki azarkeşlər mənə inanılmaz dəstək göstəriblər. Onlar təkcə mənim yanımda deyil, həm də dostlarımın və ailəmin yanında olublar. Qərar qəbul ediləcək, amma "Qalatasaray" həmişəlik mənim qəlbimdə qalacaq", - deyə Osimhen bildirib.

26 yaşlı nigeriyalı "Qalatasaray"da "Napoli"dən icarə əsasında çıxış edir. Oyunçunun neapollularla mövcud müqaviləsi 2026-cı ilə qədər nəzərdə tutulub. Bu mövsüm Osimhen 29 qol vurub və altı məhsuldar ötürmə edib.