Vinisius Juniyor "Barselona" ilə görüşdə məğlub olduqları üçün "Real Madrid"dən ayrılmaq istəyir

"Real Madrid"in braziliyalı vingeri Vinisius Junior "Kral" klubunu tərk edə bilər.

Oxu.Az "Fichajes.net"ə istinadən xəbər verir ki, 24 yaşlı futbolçu İspaniya Superkubokunun finalında "Barselona"ya qarşı (2:5) komandanın və özünün çıxışından çox məyus olub.

Vinisius məhz bu səbəbdən mövsümün sonunda karyerasını Madriddən kənarda davam etdirmək variantlarını nəzərdən keçirəcək.

2024/25 mövsümündə Vinisius Junior klub səviyyəsində 24 oyun keçirib, 13 qol vurub və 10 məhsuldar ötürmə edib. Qeyd edək ki, "Transfermarkt" portalı futbolçunun dəyərini 200 milyon avro qiymətləndirir.