Yakub Douan: "Bakıdakı turnirin təşkilatçılığı məni təəccübləndirdi"

Bakıda keçirilən dünya çempionatının təşkilatçılığı Mavritaniya Minifutbol Federasiyasının prezidenti Yakub Douanı təəccübləndirib.

Oxu.Az xəbər verir ki, funksioner bu barədə "Report"a açıqlama verib.

O, A qrupunun II turunda Bəhreyni məğlub etmələri (2:0) ilə bağlı fikirlərini bölüşüb:

"Bu, Mavritaniya üçün tarixi oyun oldu. Dünya çempionatında ilk qələbəmizi əldə etdik. Ölkəmiz üçün yeni tarixlər də yazmaq istəyirik. Qarşıdakı oyunlarda da yaxşı nəticələrə ümid edirik. Bunu ürəkdən istəyirik".

Federasiya prezidenti turnirin təşkilatçılığı və Bakı haqqında danışıb:

"Təşkilatçılıq məni təəccübləndirdi. Çünki daha əvvəl Dünya Minifutbol Federasiyasının təşkil etdiyi U-23 dünya çempionatında da olmuşam. Belə deyildi. Bura gələndə həm də ona görə təəccübləndik ki, şəhərinizdə hər şey mükəmməldir. Bakıdakı şərait, nəqliyyat, yaşayış və sair".

Qeyd edək ki, dünya çempionatı iyunun 1-də başa çatacaq.