"Barselona"nın yarımmüdafiəçisi Lamin Yamal "Give Me Sport" nəşrinin hazırladığı dünyanın 25 ən yaxşı oyunçusu siyahısında birinci yeri tutub.
Oxu.Az xəbər verir ki, siyahıda ikinci yerdə Fransanın PSJ klubunun oyunçusu Usman Dembele, üçüncü yeri isə "Liverpul"un misirli hücumçusu Məhəmməd Salah qərarlaşıblar.
İlk 10-luğa Kilian Mbappe ("Real Madrid"), Rafinya Dias ("Barselona"), Harri Keyn ("Bavariya"), Robert Levandovski ("Barselona"), Vinisius Junior ("Real Madrid"), Pedri ("Barselona") və Cud Bellinqem ("Real Madrid") daxil olublar.
Məlumat üçün əlavə edək ki, "İnter Mayami" klubunun argentinalı ulduzu Lionel Messi ilk onluğa düşə bilməyib.
