"Zirə"nin braziliyalı hücumçusu ili erkən başa vurub

Premyer Liqanın XV turunda "Sumqayıt"la keçirilən oyunda zədələnən "Zirə"nin futbolçusu Rafael Utziq ilin sonunadək meydana çıxmayacaq.

Bu barədə "Report"a klubun mətbuat xidmətinin rəhbəri Elmar Abdullazadə məlumat verib.

Klub rəsmisi braziliyalı hücumçunun durumu barədə danışıb:

"Müayinədən sonra futbolçunun cari ili başa vurduğu məlum olub. Lakin hadisələr müsbət yöndə cərəyan edərsə, Utziq ilin sonunda bir görüşdə meydana çıxa bilər. Amma bu ehtimal olduqca aşağıdır".

Qeyd edək ki, Rafael Utziq "Sumqayıt"a qalib gəldikləri (4:1) oyunun 22-ci dəqiqəsində zədələndiyi üçün Eldar Quliyevlə əvəzlənib.