“Google” şirkəti smart qadcetlər üçün yeni əməliyyat sistemini elan edib.
Bu barədə “Google Open Source” bloqu məlumat yayıb.
Yeni əməliyyat sistemi “KataOS” adlanır və korporasiyanın mühəndisləri tərəfindən maşın öyrənmə alətləri üçün etibarlı bir platforma kimi təqdim olunur.
🔐📲 The AmbiML team is working to build verifiably secure systems for embedded hardware.
— Google Open Source (@GoogleOSS) October 14, 2022
Several components of their secure operating system for their Sparrow project, KataOS, have been open sourced.
Learn more 👉 https://t.co/ATxLa18OED pic.twitter.com/NQ8fURCK2Z
Ehtimal olunur ki, bundan məlumatların qorunmasına ehtiyacı olan müxtəlif cihazlarda istifadə olunacaq.
“Ətrafımızdakı cihazların məlumatlarının təhlükəsizliyini təmin etdiyini riyazi sübut etmək mümkün deyilsə, o zaman onların topladığı məlumatlar zərərli proqram təminatı üçün əlçatan ola bilər”, - deyən proqram tərtibatçıları sistemin ilk növbədə ətraf mühitdən alınan məlumatları toplayan və emal edən smart cihazlara yönəldiyini qeyd ediblər.
“KataOS” hər kəs üçün açıq mənbəli əməliyyat sistemi kimi mövcuddur.
Qeyd edək ki, fevral ayında “Google” kompüterlər üçün yeni “Chrome OS Flex” əməliyyat sistemini buraxıb.
