Azərbaycan Davosda COP29-un ev sahibi kimi səylərini diqqətə çatdırıb - FOTO

Azərbaycan hökuməti İsveçrənin Davos şəhərində keçirilən Dünya İqtisadi Forumunda COP29-un ev sahibi kimi səylərini diqqətə çatdırıb.

Bunu iqtisadiyyat naziri Mikayıl Cabbarov “X” sosial şəbəkəsindəki hesabında bildirib.

“Davos İqtisadi Forumu çərçivəsində keçirilən “Dünya iqtisadi liderlərinin qeyri-rəsmi toplantısı: 2030-cu ilə doğru” sessiyasında COP29-un ev sahibi kimi Azərbaycanın səylərini diqqətə çatdırdıq, enerjidən səmərəli istifadə və iqlim dəyişikliyinin təsirinin azaldılmasına dair fikirlərimizi bölüşdük, həmçinin COP29-un əsas mövzusu olan qalıq yanacaqlardan asılılığı azaltmaq və yaşıl enerjini təşviq etmək üçün maliyyə mexanizmləri üzrə ölkəmizin yanaşmasını müzakirə etdik. COP29-da yaşıl gündəliyə və qlobal iqlim fəaliyyətinə sadiqliyimizi bir daha vurğuladıq”, - deyə nazir qeyd edib.

Davos İqtisadi Forumu (@wef) çərçivəsində keçirilən "Dünya iqtisadi liderlərinin qeyri-rəsmi toplantısı: 2030-cu ilə doğru" sessiyasında #COP29-un (@COP29_AZ) ev sahibi kimi #Azərbaycan-ın səylərini diqqətə çatdırdıq, enerjidən səmərəli istifadə və #iqlim dəyişikliyinin təsirinin… pic.twitter.com/m5Uyzftd2l

— Mikayil Jabbarov (@MikayilJabbarov) January 19, 2024