Azərbaycanın paytaxtında sərnişin avtomobillərində ödəniş kartlarının quraşdırılması layihəsi həyata keçirilir.
Oxu.Az Aze.Az-a istinadən xəbər verir ki, Azərbaycanın nəqliyyat nazirinin müavini Musa Pənahov jurnalistlərə artıq 1000 sərnişin avtobusunun ödəniş terminalları ilə təchiz olunduğunu bildirib.
Beləliklə, ödəniş kartının tətbiqi ilə bağlı məsələlərin bir qismi həllini tapıb.
İndi kartların özləri və vətəndaşların pul vəsaitlərini həmin kartlara yükləmələri üçün sistemlə bağlı məsələləri həll etmək lazımdır.
Pənahovun sözlərinə görə, hazırda banklar və şəhər avtobus marşrutlarının sahibləri ilə məsələlər həll olunur.
Mümkündür ki, sistem artıq payızda işləməyə başlayacaq.
