Türkiyə Mərkəzi Bankının müstəqilliyinin nəticəsini görəcəyik.
Oxu.Az xəbər verir ki, bunu Türkiyə prezidenti Rəcəb Tayyib Ərdoğan Mərkəzi Bankın faiz artımı qərarına münasibət bildirərkən deyib.
O qeyd edib ki, valyutanın sabitləşəcəyini gözlədikləri halda, əks vəziyyətlə üzləşiblər:
“Dolların məzənnəsi məntiqlə izah edilməyəcək dərəcədə yüksəldi. İlin əvvəlində 3,8 lirə təşkil edən dollar aprel ayında 4 lirəyə, iyun ayında 4,6 lirəyə qədər bahalaşdı. Bura qədərini anladıq.
Dolların lirəyə nisbətdə məzənnəsinin avqust ayındakı yüksəlişi valyutaya sui-qəsd cəhdi idi. ABŞ administrasiyası suveren hüquqlarımıza hörmətsiz davranır. Türkiyə qəbilə dövləti deyil, hüquqi dövlətdir”.
