İranın neft naziri Bijan Zanqane bildirib ki, neftin 55 dollar səviyyəsində qiyməti OPEK və İran üçün sərfəlidir.
Oxu.Az bu barədə RİA Novosti-yə istinadən xəbər verir.
“Bu qiymət OPEK üzvləri tərəfindən neftin hasilatını iqtisadi cəhətdən sərfəli və səmərəli edir, rəqiblərin hasilatın səviyyəsini artırmasının qarşısını alır”, - deyən B.Zanqane, əlavə edib ki, təşkilatın üzvlərinin əksəriyyəti neftin qiymətinin 50-60 dollar səviyyəsində olmasında maraqlıdırlar.
Nazir bəyanatlarını OPEK-in baş katibi Məhəmməd Barkindo ilə görüşdən sonra edib. Görüşün gedişatında neft bazarında son hadisələr, hasilatın dondurulması məsələləri, eləcə də Rusiya-Suriya müqaviləsinin detalları müzakirə edilib. Onun sözlərinə görə, Tehran bazarın sabitləşməsinə istiqamətlənmiş istənilən tədbirləri dəstəkləyir.
N.O.
www.oxu.az
