Rövnəq Abdullayev “Azərneftyağ”ı bağlayır

“Azərneftyağ” Neft Emalı Zavodunun yaxın 2-3 ilə istismarının dayandırılması planlaşdırılır.

Oxu.Az xəbər verir ki, APA-Economics-in məlumatına görə, bu barədə Dövlət Neft Şirkətinin prezidenti (SOCAR) Rövnəq Abdullayev bildirib.

SOCAR prezidenti qeyd edib ki, istismarın dayandırılmasından sonra zavodun binası da söküləcək:

“Zavodun fəaliyyətinin dayandırılması üçün hazırlıq işləri görülür. Yəqin ki, 2017-ci ilə bitum və müəyyən yağ istehsalı Heydər Əliyev adına Neft Emalı Zavodunda həyata keçiriləcək. Bundan sonra isə zavodun istismarı dayandırılacaq”, - deyə o əlavə edib.

E.Ə.
www.oxu.az