Bakıda dörd dəfə həbs olunmuş yalançı general tutuldu - FOTO/VİDEO

Bakıda Beynəlxalq İnsan Hüquqları Müdafiəsi Komitəsinin (İnternational Human Rights Defence committe (CIPDH)) saxta generalı həbs edilib. Sentyabrın 22-də Nərimanov Rayon Məhkəməsi Firdovsi Ələkbərova qarşı üç aylıq həbs qərarı verib.

Oxu.Az xəbər verir ki, bu məlumat Beynəlxalq İnsan Hüquqları Müdafiəsi Komitəsinin Bakı ofisinin direktoru İsmayıl Ağayev tərəfindən təsdiqlənib.

Ötən həftəsonu Nərimanov Rayon Polis İdarəsinin əməkdaşları tərəfindən tutulan F. Ələkbərov Cinayət Məcəlləsinin 178.2.2 (Təkrar dələduzluq) və 178.2.4-cü (külli miqdarda ziyan vurma) maddələri ilə ittiham olunub.

Özünü Asiya Bürosunun rəhbəri kimi təqdim edən F.Ələkbərov sifariş əsasında tikdirdiyi general formasını geyinərək qurbanlarını axtarıb. O, insanlara pul qarşılığında diplomatik pasport almağı vəd edib, üzərində müxtəlif rütbələr və jetonlar olan geyimlərin satışına dair danışıqlar aparıb:

“Hazırda general üç nəfərə zərər vurub. F.Ələkbərov sənədlərin saxtalaşdırılması ilə də məşğul olub. Hazırda istintaq bu məlumatı yoxlayır və fırıldaqçının cinayət məsuliyyətinə cəlb edilməsi üçün bütün lazımi tədbirləri görür”.

Qeyd edək ki, F.Ələkbərov dörd dəfə mənimsəmə və dələduzluğa görə mühakimə olunub.

 

 

 

 

Посмотреть эту публикацию в Instagram

 

 

 

 

 

 

 

 

 

📌Baş Mütəşəkkil Cinayətkarlıqla Mübarizə İdarəsinin əməkdaşları dələduzluqla məşğul olan “general”ı saxlayıb #BaşMütəşəkkilCinayətkarlıqlaMübarizəİdarəsi #BMCMİ #polisimməniqoruyur #police

Публикация от Daxili İşlər Nazirliyi (@azerbaycan.din) 23 Сен 2019 в 6:17 PDT

Ramella İbrahimxəlilova