Bakıda evdən 15 min manatlıq qızıl oğurlanıb

Xətai rayonu ərazisində evlərin birindən oğurluq olub.

Oxu.Az xəbər verir ki, bu barədə Daxili İşlər Nazirliyi (DİN) məlumat yayıb.

Bildirilib ki, polisə müraciət edən ev sahibi oradan 15 000 manat dəyərində qızıl-zinət əşyalarının oğurlandığını bildirib.

Xətai Rayon Polis İdarəsinin 36-cı Polis Şöbəsinin əməkdaşlarının keçirdikləri tədbirlərlə oğurluq əməlini törətməkdə şübhəli bilinən, əvvəllər oğurluq və dələduzluğa görə məhkum olunmuş Taleh Salmanov müəyyən olunaraq saxlanılıb.

Xətai RPİ-də araşdırma aparılır.