Rusiyada kranla "əyləncə": Fəhlələrdən təhlükəli şou

Rusiyanın Primorsk diyarında tikinti meydançasında təhlükəli hadisə baş verib. Belə ki, tikinti kranında çalışan fəhlələrdən biri digərinə kranı "attraksiona" çevirərək havada yellənmək "zövqü" yaşadıb.

Oxu.Az-ın verdiyi məlumata görə, bu barədə "112" "Telegram" kanalı xəbər verib.

Hadisə sosial şəbəkələrdə yayılan görüntülərdən sonra ictimaiyyətin və hüquq-mühafizə orqanlarının diqqətini çəkib. Məlum olub ki, kran operatoru spirtli içki qəbul etdikdən sonra həmkarına "quş uçuşu" hündürlüyündə kranla yellənmək imkanı yaradıb.

Rusiyada kranla "əyləncə": Fəhlələrdən təhlükəli şou

Polislər hadisə yerinə gedərək yoxlamalar aparıblar. Hazırda məsələ ilə bağlı araşdırma aparılır. Sərxoş vəziyyətdə kran idarə edən şəxsə qarşı hüquqi tədbirlərin görüləcəyi gözlənilir.