Tailandda qaldırıcı kranın sərnişin qatarının üzərinə aşması nəticəsində azı 22 nəfər ölüb, 70-dən çox insan yaralanıb.
Oxu.Az xəbər verir ki, bu barədə "Khaosod" nəşri məlumat yayıb.
Məlumata görə, hadisə ölkənin şimal-şərqindəki Nakhonratçasima bölgəsində baş verib. Qatar Banqkokdan Ubonratçatxaniyə gedirmiş. Toqquşma nəticəsində qatar relsdən çıxıb və alovlanıb.
Xilasetmə xidmətləri hadisə yerində işləyir və üç vaqonda qalmış sərnişinləri çıxarmağa çalışırlar. Nəqliyyat vasitəsində təxminən 200 nəfərin qaldığı bildirilir.
