Paşinyan həmsədrlərlə Düşənbə razılaşmalarından danışdı

ATƏT-in Minsk qrupunun həmsədrləri İrəvanda Ermənistan baş nazirinin səlahiyyətlərini icra edən Nikol Paşinyanla görüşüblər.

Oxu.Az xəbər verir ki, bu barədə “Sputnik Armenia” agentliyi məlumat yayıb. 

Bildirilir ki, görüşdə Paşinyan ATƏT-in Minsk qrupunun beynəlxalq ictimaiyyətin mandatına malik yeganə format kimi vacibliyini vurğulayıb.

Tərəflər Düşənbədə Azərbaycan prezidenti İlham Əliyevin Nikol Paşinyanla görüşü və orada əldə olunan razılaşmalara dair fikir mübadiləsi aparıblar. 

Paşinyan razılaşmalara riayət olunmasının və onların effektiv reallaşmasının vacibliyini önə çəkib. Qeyd edib ki, bu, sülh prosesinə uyğun olan mühitin formalaşmasına kömək edəcək. 

www.oxu.az