Rusiya Azov dənizindəki vəziyyətlə bağlı BMT Təhlükəsizlik Şurasının təcili iclasını çağırıb.
Oxu.Az xəbər verir ki, bununla bağlı “Anadolu” agentliyi diplomatik mənbəyə istinadən məlumat yayıb.
İclas yerli vaxtla saat 11:00-da başlayacaq.
Dünən Azov dənizində Rusiya və Ukrayna hərbi gəmiləri arasında toqquşma baş verib.
Rusiya FTX gəmisi Rusiya dövlət sərhədlərini pozduğu ittihamı ilə Ukrayna gəmisinə atəş açıb.
Ukrayna Hərbi Dəniz Qüvvələrinin verdiyi məlumata görə, insident zamanı altı ukraynalı hərbçi yaralanıb.
Ukrayna gəmiləri Rusiya hərbçiləri tərəfindən nəzarətə götürülüb.
