23 
Fev
2024
18:56
127
14
1766
Virtual karabakh

Politoloq Ermənistanın KTMT ilə bağlı qərarı barədə DANIŞDI: “Bu, xəyanətdir”

23 Fev, 2024
18:56
1766

Politoloq Ermənistanın KTMT ilə bağlı qərarı barədə DANIŞDI: “Bu, xəyanətdir”

Bizim WhatsApp kanalımıza buradan abunə ola bilərsiniz

“Ermənistan rəhbərliyi KTMT-də iştirakını dondurmaqla Rusiyaya qarşı xəyanətkarlıq edib”.

Bu fikri politoloq Sergey Markov “Telegram” kanalında paylaşıb.

Onun sözlərinə görə, indi Azərbaycan Moskvanın Cənubi Qafqazda əsas dostuna çevrilir.

Markov hesab edir ki, Ermənistanın baş naziri Nikol Paşinyan və Fransa prezidenti Emmanuel Makron aralarındakı danışıqlardan sonra Rusiyanı Cənubi Qafqazdan çıxarmaq və orada Fransa hərbi bazalarını yaratmaq üçün plan hazırlayıblar.

Dövlət Dumasının deputatı Viktor Sobolyev də oxşar fikirdədir. O bildirib ki, Paşinyan İrəvanın KTMT-də iştirakını dondurmaqla həm ölkəsinə, həm də Rusiyaya xəyanət edib. Parlamentari qeyd edib ki, Paşinyan Qarabağ hadisələrinin məsuliyyətini Rusiyanın üzərinə atmağa çalışır.

Qeyd edək ki, bundan əvvəl Nikol Paşinyan Ermənistanın KTMT-də iştirakının hazırda dondurulduğunu bəyan edib. Eyni zamanda, Ermənistanda Rusiyanın hərbi bazasının saxlanması məsələsinin də gündəmdə olmadığını deyib. Hökumət başçısı xatırladıb ki, 1991-ci il Alma-Ata Bəyannaməsi onu imzalayan bütün keçmiş SSRİ respublikalarına, o cümlədən bir-birinin sərhədlərini tanıyan Rusiya və Ukraynaya şamil edilir.

Bizimlə əlaqə saxlayın

Digər Siyasət xəbərləri