Baku TV-nin "O vaxtlar" verilişinin budəfəki qonağı musiqiçi Vaqif Əsədov olub.
Tanınmış müğənni Eyyub Yaqubovun müəllimi olan sənətkar onunla aralarındakı doğmalığı belə ifadə edib:
"Mən Eyyubun təkcə müəllimi deyil, həm də atası, anası, qardaşı olmuşam. O, sanki mənimlə nəfəs alırdı. Aramızda güclü bağlılıq var idi. İndi bəzi adamlar elə bilir ki, heç yerdən qazanc əldə etmirəm və mənə Eyyub kömək edir. Bu cür söz-söhbətlər mənə çox ağır gəlir, çünki belə bir köməyə ehtiyacım yoxdur".
Vaqif Əsədov, həmçinin keçmiş toylarla indiki şadlıq evlərindəki vəziyyəti müqayisə edib:
"Əvvəllər toylar evlərdə keçirilərdi. Heç bir səsgücləndirici olmadan hər şey aydın eşidilərdi. Amma bu gün şadlıq sarayına gələn qonaqlar səs-küydən bayıra qaçırlar. İndiki şadlıq evlərinin akustikası çox bərbaddır".
