Britni Spirs karyerasını bitirir: 13 illik vəkili və 25 illik meneceri istefa verdi - FOTO

Məşhur amerikalı müğənni Britni Spirsin məhkəmə tərəfindən təyin olunmuş vəkili Samuel İnghem artıq onu təmsil etməyəcəyini deyib.

Bu barədə “Fox News” xəbər verir.

İnghem məhkəmənin Spirs üçün yeni vəkil təyin etdiyi andan etibarən bunu etməyəcəyini bildirib.

Qeyd edək ki, o, 2008-ci ildən bəri ulduzun vəkilidir və xüsusən də onun qəyyumluğuna dair məhkəmə prosesində maraqlarını müdafiə edib.

Bundan əvvəl ifaçının meneceri  Larri Rudolf qəyyumluq məhkəməsinin qalmaqalı fonunda istefa verib və Spirsin karyerasını bitirmək barədə düşündüyünü deyib.

Qeyd edək ki,  məşhur amerikalı müğənni Britni Spirsin atası Ceyms Spirsin qəyyum statusundan məhrum edilməsinə dair tələbi məhkəmə tərəfindən rədd edilib. Məhkəmə qərarına görə, B.Spirs hələ də maliyyə mənbələrini effektiv şəkildə idarə edə bilməz. Ancaq yeni sorğu təqdim etmək hüququnu özündə saxlayır.

Britni Spirs 2008-ci ildən bəri atası Ceymi Spirsin himayəsindədir. Bu qərar müğənninin alkoqolizm və narkotiklə əlaqədar psixiatriya xəstəxanasına düşməsindən sonra verilib.

Bununla da ifaçı öz həyatı və mülkiyyəti üzərində nəzarət imkanını itirib. Uzun illərdir ki, o, maşın sürə və övladları ilə atasının izni olmadan görüşə bilmir.