Blinkenin köməkçisi: "Azərbaycanla Ermənistan birbaşa danışıqlarda kifayət qədər bacarıqlıdır"

"ABŞ Azərbaycanla Ermənistanı sülh razılaşmasını qarşıdakı həftələrdə, aylarda yekunlaşdırmağa cəsarətləndirir".

Bunu İrəvanda səfərdə olan ABŞ dövlət katibi Antoni Blinkenin köməkçisi Ceyms Obrayn "Azadlıq radiosu"na açıqlamasında deyib.

O bildirib ki, Vaşinqton region xalqlarının uzunmüddətli sülh sazişi bağlamaq üçün qanuni istəyini dəstəkləyir:

"Hansı rolu oynayıb-oynamayacağımıza hər iki tərəf qərar verir. Biz regionda super güc olmaq iddiasında deyilik. Sadəcə region xalqlarının uzunmüddətli sülh sazişi bağlamaq üçün qanuni istəyini dəstəkləmək üçün buradayıq. İndiki mərhələdə tərəflər bir-biri ilə birbaşa danışıqlarda kifayət qədər bacarıqlıdırlar".