Ermənistan və Türkiyə arasında qarşılıqlı ticarət əməliyyatları artıq birbaşa rəsmiləşdirilməyə başlanıb.
Oxu.Az-ın Ermənistan mətbuatına istinadən verdiyi məlumata görə, bu barədə Ermənistanın xarici işlər və beynəlxalq ticarət naziri Ararat Mirzoyan parlament komissiyaları səviyyəsində 2027-ci ilin dövlət büdcəsi layihəsinin müzakirəsi zamanı bildirib.
Nazir əlavə edib ki, fiziki olaraq iki ölkə arasında malların daşınması yenə də üçüncü ölkələr (əsasən Gürcüstan vasitəsilə - red.) üzərindən həyata keçirilir. Yenilik ondan ibarətdir ki, əvvəllər bu ticarət gömrükdə texniki cəhətdən üçüncü ölkələrin adına sənədləşdirilirdisə, indi bu proses birbaşa həyata keçirilir.
"Sərhəd məsələsinə gəldikdə isə, əvvəllər də dəfələrlə qeyd etdiyim kimi, proses o həddə çatıb ki, biz istənilən an sərhədlərin açılmasına və diplomatik əlaqələrin qurulmasına başlaya bilərik", - deyə Mirzoyan vurğulayıb.
İki ölkə arasındakı dialoqu aktiv və səmərəli adlandıran XİN rəhbəri, 2027-ci ilin əvvəlində Ermənistanda yayda Qarsda baş tutan tədbirə bənzər işgüzar forumun keçiriləcəyini qeyd edib.
Nazirin sözlərinə görə, Azərbaycanla formalaşmış sülhün möhkəmləndirilməsi istiqamətində addımlar, o cümlədən ikitərəfli ticarət və yüklərin tranziti üçün ərazilərin açılması prosesi davam etdirilir.
